Վենետիկի հայտնի Կառնավալն առաջին անգամ անցկացվում է առանց դիմակների
Իտալիայում հունվարի 23-ից մեկնարկել է Վենետիկի ամենամյա փառատոնը: Այդ միջոցառմանը մասնակցելու համար ամեն տարի քաղաք են ժամանում հազարավոր զբոսաշրջիկներ, գրում է The Daily Mail-ը:
Միջոցառումը կտևի 18 օր: Կառնավալի վերջին օրը կդառնա, այսպես կոչված, Յուղոտ երեքշաբթին, որին հաջորդում է 40-օրյա պահքը՝ մինչև Սուրբ Զատիկ:
Կառնավալը նվիրված է Վենետիկի ավանդույթներին ու արվեստին:
Այս տարվա Վենետիկի Կառնավալի առանձնահատկությունը դիմակներից հրաժարումն է: Պարբերականի տեղեկություններով՝ դիմակներից հրաժարվելը կապված է Փարիզի ահաբեկչությունների հետ: Միջոցառման կազմակերպիչներն այդկերպ ցանկանում են մարդկանց ապահովագրել արտակարգ դեպքերից:
