«9 ½ շաբաթ» ֆիլմի աստղը կնկարահանվի «Մոխրագույնի 50 երանգները» ֆիլմի սիքվելում
«Օսկար» մրցանակի դափնեկիր Քիմ Բեսինջերը կնկարահանվի «Մոխրագույնի 50 երանգները» ֆիլմի սիքվելում, հայտնում է ComingSoon-ը:
Ֆիլմի շարունակությունը կկոչվի «50 երանգ ավելի մուգ»: Բեսինջերը հայտնի է այնպիսի ֆիլմերով, ինչպիսիք են՝ «Ինն ու կես շաբաթը», «Կույր հանդիպումը», «Բեթմենը», «Լոս Անջելեսի գաղտնիքները»:
Ֆիլմում նա մարմնավորում է գլխավոր հերոսի՝ Քրիստիան Գրեյի բիզնես-գործընկերոջն ու նախկին սիրեցյալին:
Ֆիլմի շարունակության մեջ կնկարահանվեն առաջին ֆիլմի աստղերը՝ Դակոտա Ջոնսոնն ու Ջեյմի Դորնանը: Նրանք նույնպես հանդես կգան ֆրանշիզի երրորդ մասում:
