Հայտնի մոդել Նատալյա Վոդյանովան պատրաստվում է 5-րդ անգամ մայրանալ
Երջանիկ իրադարձություն է սպասվում ֆրանսիացի 38-ամյա միլիարդատեր Անտուան Առնոյի ու նրա սիրեցյալի՝ 33-ամյա ռուս սուպերմոդել Նատալյա Վոդյանովայի կյանքում, հայտնում է LifeNews-ը:
Մոդելը երեխայի է սպասում հինգերորդ անգամ: Նրա փորն արդեն երևում է կիպ զգեստներում:
Նա արդեն դաստիարակում է իր երկու որդիներին ու դստերը, որոնց հայրն անգլիացի լորդ Ջասթին Փորթմանն է ու ևս մի որդու, ում հայրը ներկայիս ամուսինն է՝ Անտուան Առնոն:
Վոդյանովայի ներկայիս ամուսինը աշխարհի ամենահարուստ 100 մարդկանցից է՝ ըստ Forbes-ի ցուցակի: Նա LVMH կոնցեռնի գործադիր տնօրենն է:
