Քեմերոնն ու Մերկելը առաջընթաց են գրանցել ԵՄ բարեփոխումների բանակցություններում
Մեծ Բրիտանիայի վարչապետ Դևիդ Քեմերոնն ու Գերմանիայի կանցլեր Անգելա Մերկելը հեռախոսային զրույցի ընթացքում զգալի առաջընթաց են գրանցել ԵՄ բարեփոխումների բանակցություններում, սակայն դեռ գործելու դաշտ կա: Այդ մասին հայտնել է Քեմերոնի պաշտոնական ներկայացուցիչը, հայտնում է Reuters-ը:
«Կողմերը եղել են միասնական կարծիքի, որ Եվրամիության դեկտեմբերյան նիստից հետո առաջընթաց է գրանցվել, ու իսկապես կա ցանկություն ԵՄ բոլոր երկրներում ցրել բրիտանացիների մտավախությունները բոլոր 4 կետերով»,- ասել է նա:
Մեծ Բրիտանիայի վարչապետի խոսքով՝ երկու երկրների ղեկավարները «եզրակացրել են, որ շատ բան կա անելու մինչ Եվրոպական խորհրդի փետրվարյան նիստը, որպեսզի գտնեն ճիշտ լուծում»:
