«Ես դժգոհ եմ «Չելսիի» արդյունքներից». Գուս Հիդինգ
Լոնդոնյան «Չելսիի» գլխավոր մարզիչ Գուս Հիդինգը խոստովանել է, որ հատուկ էմոցիաներ չի տածում թիմի ընթացիկ արդյունքների կապակցությամբ:
«Բոլորը գիտեն, թե մենք որտեղ էինք դեկտեմբերին: Մի կողմից՝ հիմա մենք առանց պարտությունների ենք խաղում: Բայց ես չեմ կարող ուղղակի վերցնել և հպարտությամբ ասել, որ մենք ոչ մի խաղ չենք պարտվել: Ես դժգոհ եմ արդյունքներից, եթե խոսենք մրցաշրջանի մասին: Մենք պետք է սպասենք և հույս ունենանք, որ մեր գործերը կլավանան: «Չելսին» պետք է իրեն թափ տա: Ակումբում բոլորը պետք է հասկանան, թե մենք ինչքան մոտ ենք դուրս թռնելու գոտուն, կամ կարո՞ղ ենք արդյոք մոտենալ Եվրոպական գոտուն: Մենք պետք է բարձունքի վրա լինենք»,- ասել է Հիդինգը The Guardian-ին տված հարցազրույցում:
Տվյալ պահին «Չելսին» 25 միավորով գտնվում է մրցաշարային աղյուսակի 14-րդ հորիզոնականում: Պրեմիեր լիգայի վերջին 6 խաղերում լոնդոնյան ակումբը պարտություն չի կրել:
Պատրաստեց Անի Գաբուզյանը
