Չինաստանի նախագահը վերջին 10 տարում առաջին անգամ ժամանել է Իրան
Չինաստանի նախագահ Սի Ցզինպինը կարճատև գործնական ուղևորության շրջանակում ժամանել է Թեհրան, որն ուղղված է Մերձավոր արևելքի հետ տնտեսական կապերի ամրապնդմանը, հայտնում է BBC-ի ռուսական ծառայությունը:
Սա Չինաստանի նախագահի առաջին այցն է Իրան վերջին 10 տարում:
Պեկինը միլիարդավոր դոլարների իրանական նավթ է գնում ու համարվում է Թեհրանի խոշորագույն առևտրային գործընկերը: Սա Չինաստանի նախագահի շրջագայության վերջին փուլն է մերձավորարելյան տարածաշրջանում, որր նաև ներառում էր ացելություններ Սաուդյան Արաբիա ու Եգիպտոս:
Սի Ցզինպինի այցը դիտարկվում է որպես Չինաստանի ազդեցության գոտիների տարածում այն շրջաններում, որտեղ ավելի վաղ գերակշռել են հիմնականում ԱՄՆ-ն ու Ռուսաստանը:
