Հրաձգություն Կանադայի դպրոցում. կա 4 զոհ
Կանադայի Սասկաչևան նահանգի միջնակարգ դպրոցում տեղի ունեցած հրաձգության հետևանքով, համաձայն ոստիկանության տեղեկությունների, զոհվել է 4 մարդ: Ավելի վաղ Կանադայի վարչապետ Ջասթին Տրյուդոն հայտնել էր 4 զոհի մասին, հայտնում է BBC-ն:
«Տվյալ պահին սպանվել է 4 մարդ»,-հայտարարել է Կանադայի ոստիկանության ներկայացուցիչ Մորին Լևին: Միաժամանակ, նա չի նշել վիրավորների թիվը: Տրյուդոյի խոսքով՝ նրանք 2-ն են եղել:
Վիրավորներն ուղղաթիռներով տեղափոխվել են հարևան Սասկաթուն քաղաք:
Ոստիկանների խոսքով՝ հրաձգության մեջ կասկածվող տղամարդը ձերբակալվել է ու գտնվում է կալանքի տակ:
Հնդկացիական Լա-Լոչե ավանի դպրոցում հրաձգության մասին տեղեկություններն ստացվել են այս գիշեր:
Ավանի բնակիչների մեծ մասը կանադացի հնդկացիներ են:
