Պուտինն Ասադին չի առաջարկել հեռանալ. Կրեմլը հերքում է
Կրեմլում հերքել են ԶԼՄ-ների տեղեկություններն այն մասին, թե ՌԴ նախագահ Վլադիմիր Պուտինն առաջարկել է Սիրիայի նախագահ Բաշար Ասադին հեռանալ իր պաշտոնից: Ավելի վաղ այդ մասին հայտնել էր Financial Times-ը:
Պարբերականի տեղեկություններով՝ ՌԴ նախագահի գաղտնի նամակը փոխանցել է ՌԴ գլխավոր հետախուզական վարչության պետ Իգոր Սերգունը, ով անցած դեկտեմբերի վերջին այցելել էր Դամասկոս:
«Ոչ, սա այդպես չէ»,- LifeNews-ի հետ զրույցում ասել է ՌԴ նախագահի մամլո քարտուղար Դմիտրի Պեսկովը:
Հիշեցնենք, որ թերթը, վկայակոչելով արևմտյան հետախուզության աղբյուրներին գրել է, թե Ռուսաստանի նախագահ Վլադիմիր Պուտինը խնդրել է Սիրիայի նախագահ Բաշար Ասադին հեռանալ իր իր պաշտոնից:
Հաղորդագրության մեջ ասվում է, որ Կրեմլում կարծում են, թե եկել է Ասադի հեռանալու ժամանակը:
Ըստ FT-ի՝ Ասադը կտրականապես հրաժարվել է թողնել նախագահի պաշտոնը:
