Ռուբլին կրկին անկում է գրանցել՝ նորացնելով պատմական առավելագույն շեմը

Ռուսական ռուբլին արագացրել է նվազումը: Մոսկվայի բորսայում դոլարի փոխարժեքն այսօր, նավթի գնանկման պայմաններում, բարձրանալով հաղթահարել է 84 ռուբլու շեմը, հայտնում է RIA Novosti-ն:

Դոլարի փոխարժեքը Մոսկվայի ժամանակով ժ. 10.34-ի դրությամբ ավելացել է 1,45 ռուբլով ու հասել մինչև 84,04 ռուբլու, եվրոյի փոխարժեքն ավելացել է 3,35 ռուբլով՝ կազմելով մինչև 92 ռուբլի:

Brent ապրանքանիշի նավթի մարտի ֆյուչերսների գինը նվազել է 0,22 տոկոսով՝ կազմելով 1 բարելի համար 27,66 դոլար։