Նիկոլայ Բաղդասարյանի բողոքը մերժվեց
Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Մեսրոպ Մակյանն այսօր մերժեց փաստաբան Նիկոլայ Բաղդասարյանի բողոքը:
Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում փաստաբանը բողոքարկում է քրեական գործի հարուցումը մերժելու մասին որոշումը վերացնելու և քրեական գործ հարուցելու մասին Երևանի դատախազի որոշումը: Նշենք, որ հարուցված քրեական գործի շրջանակներում փաստաբանին մեղադրանք է առաջադրվել ՀՀ քրեական օրենսգրքի 144-րդ հոդվածով՝ անձնական կամ ընտանեկան կյանքի մասին տեղեկություններ ապօրինի հավաքելը: Ավելի վաղ Երևանի Շենգավիթ վարչական շրջանի ընդհանուր իրավասության դատարանը մերժել էր փաստաբանի կողմից ներկայացված մեկ այլ բողոք:
