Օզբիլիզը կարող է վերադառնալ իր նախկին ակումբ
Sovsport.ru-ն հայտնում է, որ Մոսկվայի «Սպարտակի» և Հայաստանի հավաքականի կիսապաշտպան Արաս Օզբիլիզը կարող է տեղափոխվել Կրասնոդարի «Կուբան»:
Օզբիլիզի համար տեղափոխությունը վերադարձ կլինի, քանի որ հայ ֆուտբոլիստը կրասնոդարյան ակումբում խաղացել է 2012-2013 թվականներին։
Ըստ աղբյուրի՝ հայ կիսապաշտպանը կարող է ներառվել կրասնոդարցիների հարձակվող Լորենսո Մելգարեխոյի՝ «Սպարտակ» տեղափոխության գործարքում։
Ինչպես արդեն տեղեկացրել էինք, «Սպարտակի» գլխավոր մարզիչ Դմիտրի Ալենիչևը հայտնել էր, որ Օզբիլիզը ձմռանը կհեռանա ակումբից։
Սիրարփի Աղաբաբյան
