Ադրբեջանը կվերանայի 2016 թվականի պետբյուջեն
Ադրբեջանի 2016 թվականի պետբյուջեն կվերանայվի։ Այդ մասին, ինչպես հայտնում է contact.az-ը, այսօր Միլի մեջիսի արտահերթ նիստի ժամանակ հայտարարել է Ադրբեջանի խորհրդարանի տնտեսական քաղաքականության հանձնաժողովի նախագահ Զիյադ Սամեդզադեն։
Վերջինս դա բացատրել է երկրի եկամուտների կրճատմամբ՝ կապված նավթի գնանկման հետ:
Զիյադ Սամեդզադեի կարծիքով՝ տնտեսական պլաններն ու ծախսերը պետք է «ճշգրտվեն, իսկ ընթացիկ ծախսերը՝ կրճատվեն»:
Հիշեցնենք, որ Ադրբեջանի 2016 թվականի պետբյուջեն կազմվել է՝ առաջնորդվելով նավթի 1 բարելի գինը 50 դոլարի սահմանում հաշվարկից:
