Լուիս Էնրիկեն խոսել է Մեսսիի փոխարինման մասին
Իսպանական Լա լիգայի 20-րդ տուրում կայացած «Բարսելոնա» – «Ատլետիկ» խաղի ընթացքում վնասվածք է ստացել կատալոնական թիմի առաջատար հարձակվող Լիոնել Մեսսին: «Բարսելոնայի» գխավոր մարզիչ Լուիս Էնրիկեն խաղից հետո նշել է, որ Լիոնել Մեսսիին փոխարինեց, որպեսզի վտանգի չենթարկի նրա առողջությունը:
Էնրիկեն նշել է, որ հենց սկզբից խաղում ամեն ինչ շատ լավ դասավորվեց, դրա համար էլ Մեսսիի ներկայությունը դաշտում խիստ անհրաժեշտ չէր:
«Վաղը Մեսսին բուժզննում կանցնի: Նա թեթևակի մկանային հոգնածություն ունի: Ես չէի ցանկանում ռիսկի դիմել, եթե հարցը վերաբերում է Մեսսիին»,- նշել է Էնրիկեն:
Սիրարփի Աղաբաբյան
