«Ուզում եմ լինել «Մանչեսթեր Յունայթեդի» լեգենդը». Դավիդ դե Խեա
«Մանչեսթեր Յունայթեդի» դարպասպահ Դավիդ դե Խեան լրագրողների հետ զրույցում նշել է, որ այլևս չի մտածում Մադրիդի «Ռեալ» տեղափոխության մասին և ցանկանում է դառնալ «Մանչեսթեր Յունայթեդի» լեգենդը:
Դե Խեան նշել է, որ հավատում է իր թիմի հաջողությանը: Նա ուզում է Անգլիայում ունենալ այն արդյունքը, որ ունեցել են Պիտեր Շմեյխելը և Էդվին Վան դեր Սարը:
«Նրանք եղել են իրենց ակումբների լեգենդները, և ես ուզում եմ նույն արդյունքին հասնել:
Ես շատ եմ աշխատում, որպեսզի դառնամ լավագույններից իմ դիրքում: Չգիտեմ՝ ով է աշխարհի լավագույն դարպասապահը հիմա, բայց դա իմ նպատակն է:
Ամեն ինչ այնքան էլ հարթ չէր: Եղել են պահեր, որ ես մտածել եմ, թե իմ միակ ելքն Իսպանիա վերադառնալն է: Բայց ես շարունակեցի օր ու գիշեր աշխատել և մարզվել մարզասրահում: Աշխատանքս իր արդյունքը տվեց»,- նշել է իսպանացի դարպասապահը:
Սիրարփի Աղաբաբյան
