Արա Ասոյանը ներկայացնում է սուր շնչառական վարակների վիճակը Հայաստանում. Ռ-Էվոլյուցիա
Աշխարհի տարբեր երկրներում և Հայաստանում շրջում է սուր շնչառական վարակների, H1N1, այսպես կոչված՝ խոզի գրիպի ուրվականը: Որոշ մասնագետների կարծիքով՝ դրանք սեզոնային հերթական սրացումներ են կամ ուղեկցող հիվանդությունների բարդացած դրսևորումներ և պետք չէ խուճապի մատնվել, ոմանց կարծիքով էլ ՀՀ առողջապահության նախարարությունը պետք է դեռևս ամիսներ առաջ նախապատրաստվեր նման սրացումներին և համապատասխան կանխարգելիչ միջոցառումներ իրականացներ: Փաստն այն է, որ այսօր գրեթե բոլոր հիվանդանոցները լի են հիվանդներով. որոշ հիվանդանոցներ էլ այս օրերին հայտարարեցին, որ այլևս հնարավորություն և համապատասխան պայմաններ՝ մահճակալներ և հիվանդասենյակներ չունեն նոր հիվանդներ ընդունելու համար: Մեր հյուրն է ՀՀ առողջապահության նախարարության գլխավոր վարակաբան Արա Ասոյանը:
