ԵՄ-ի, ԱՄՆ-ի ու Իրանի նախարարական հանդիպումը կարող է կայանալ հունվարի 16-ին Ժնևում
ԵՄ-ի, ԱՄՆ-ի ու Իրանի դիվանագիտական ղեկավարների հանդիպումը իրանական հարցի վերաբերյալ կարող է տեղի ունենալ հունվարի 16-ին Ժնևում, հայտարարել է «վեցյակի» երկրների պատվիրակություններից մեկի դիվանագիտական աղբյուրը: Այս մասին հայտնում է RIA Novosti-ն:
«Եթե ամեն ինչ տեղի ունենա, ապա կարծում եմ, որ Քերին (ԱՄՆ պետքարտուղար), Մոգերինին (ԵՄ դիվանագիտության ղեկավար) ու Զարիֆը (Իրանի ԱԳՆ ղեկավար) կհավաքվեն շաբաթ օրը Ժնևում»,- ասել է նա:
ՄԱԿ-ի ժնևյան կենտրոնակայանում ԱՄՆ մշտական ներկայացուցչության աղբյուրները հայտնել են, որ սպասում են Ջոն Քերիի այցի մասին տեղեկության հաստատմանը:
