Թուրքիայում քրդերի սպանություններին վերջ տալու կոչի պատճառով 21 ակադեմիկոս է ձերբակալվել
Թուրքիայի իշխանություններն ահաբեկչության քարոզչության մեջ են մեղադրել 21 ակադեմիկոսի: Նրանք հանդես էին գալիս Թուրքիայում քրդերի նկատմամբ ռազմական ուժ կիրառելու դեմ:
Գիտնականները հռչակագիր էին ստորագրել, որը կոչ է անում նստել բանակցային սեղանի շուրջ: Այս մասին հայտնում է AFP-ն հղում կատարելով Թուրքիայի ԶԼՄ-ներին:
Ավելի վաղ հազարավոր թուրք ու օտարերկրացի գիտնականներ դիմում էին հրապարակել «Մենք չենք լինի այդ հանցագործության մաս» անվանումով, որտեղ կոչ էր արվում «դադարեցնել սպանդն ու կոտորածը», որը տեղի է ունենում Թուրքիայի հարավ-արևելքում:
Թուրքիայի նախագահ Ռեջեփ Թայիփ Էրդողանը գիտնականներին անվանել է «տգետներ», իսկ ստորագրված դիմումը՝ «թուրք ժողովրդի, թուրքական պետության, կառավարության, խորհրդարանի, դատարանի հրապարակային ստորացում»:
