2015 թվականին հավատի պատճառով զոհվել է 7 հազար քրիստոնյա
Անցած տարի աշխարհում սպանվել է 7 հազար քրիստոնյա, հայտարարում են Open Doors կազմակերպության իրավապաշտպանները: Ցուցանիշը գրեթե 3 հազարով գերազանցում է 2014 թվականի նմանատիպ ցուցանիշը: Բացի այդ՝ 2015-ին ավերվել կամ վնասվել է գրեթե 2300 քրիստոնեական եկեղեցի:
Ինչպես պարզել են իրավապաշտպանները, առավել շատ հալածանքների են ենթարկվել քրիստոնյաները Հյուսիսային Կորեայում, որտեղ աշխատանքային ճամբարներում կա շուրջ 70 հազար «հավատի բանտարկյալ»:
Իրավիճակը լուրջ է նաև Մերձավոր արևելքի ու Աֆրիկայի մի շարք երկրներում, մասնավորապես Իրաքում, Սիրիայում, Սոմալիում ու Էրիթրեայում:
