Գուտին վստահ է, որ հաջողության համար Նեյմարը պետք է փոխի ակումբը
Մադրիդի «Ռեալի» և Իսպանիայի հավաքականի նախկին կիսապաշտպան Գուտին խոսել է Ոսկե գնդակի արդյունքների, նաև կատալոնական «Բարսելոնայի» և Բրազիլիայի ազգային հավաքականի հարձակվող Նեյմարի՝ աշխարհի լավագույն ֆուտբոլիստ ճանաչվելու հնարավորությունների մասին:
Ըստ Գուտիի՝ Նեյմարը չի ստանա Ոսկե գնդակը, քանի դեռ Մեսսիի հետ նույն թիմում է խաղում: Գուտին համոզված է, որ Նեյմարը պետք է փոխի ակումբը:
«Չնայած նրան, թե քանի որքան տիտղոս կնվաճի «Բարսելոնան», կոչումներ միշտ ստանալու է Մեսսին»,- նշել է Գուտին:
Հիշեցնենք, որ Նեյմարն առաջին անգամ Ոսկե գնդակի համար պայքարող լավագույն եռյակում էր: Քվեարկությունում բրազիլացին դարձել էր երրորդը, Ռոնալդուն երկրորդն էր, իսկ աշխարհի լավագույն ֆուտբոլիստի կոչման էր արժանացել Լիոնել Մեսսին։
Սիրարփի Աղաբաբյան
