Կիևում գրիպի պատճառով կարանտին է հայտարարվել
Կիևում գրիպի պատճառով հունվարի 16-ից կարանտին է սահմանվում: Այս մասին, ինչպես հայտնում է korrespondent.net-ը, հայտարարել է Կիևի քաղաքապետ Վիտալի Կլիչկոն:
Կարանտինը գործելու է կրթական ու առողջապահական հաստատություններում, սահմանափակումներ են գործելու նաև հրապարակային միջոցառումների անցկացման վրա: Նման միջոցառումները կշարունակվեն մինչև քաղաքում համաճարակային իրավիճակը չկարգավորվի:
«Մենք չենք սպասի, որ բարձրացվի մայրաքաղաքում սեզոնային հիվանդությունների համաճարակային շեմը ու որոշում ենք կայացրել շաբաթ օրվանից կարանտին հաստատել Կիևում՝ թույլ չտալու համար սեզոնային հիվանդությունների տարածումը: Դա կանխարգելիչ միջոցառում է, չէ՞ որ մենք տեսնում ենք հիվանդների թվաքանակի բացասական դինամիկան: Հաշվի առնելով վիրուսի յուրահատկությունը ու գրիպի բարդացումների ծանր հետևանքները՝ մենք պետք է կանխարգելենք սեզոնային հիվանդությունների տարածումը»,- հայտարարել է Կլիչկոն:
Հաղորդվում է, որ Կիևը ամբողջությամբ ապահովված է հակավիրուսային միջոցներով:
Հիշեցնենք, որ նվազագույնը 25 մարդ է խոզի գրիպի զոհ դարձել Ուկրաինայում՝ հիվանդացության սեզոնն սկսվելուց ի վեր, հայտնում է Reuters-ը:
