Յուրաքանչյուր կին միաժամանակ սպասուհի, արքայադուստր և թագուհի է

Յուրաքանչյուր կին հոգում միաժամանակ և սպասուհի է, և արքայադուստր, և թագուհի: Եվ դա բնավ կապված չէ տարիքի հետ: Կարևորն այն է, թե ինչպես եք դուք ձեզ զգում, ինչպես եք տեսնում ինքներդ ձեզ և ինչպես եք ձեզ դրսևորում:

Marketium.ru կայքն առաջարկում է կանանց այս երեք տեսակների տարբերակիչ առանձնահատկությունները:

1. Սպասուհիները երազում են բարի փերիների մասին, արքայադուստրերը՝ գեղեցիկ ասպետի, իսկ թագուհիները չեն երազում, նրանք գործում են:

2. Սպասուհիները հավատում են հրաշքների, արքայադուստրերի մոտ հրաշքներ իրոք տեղի են ունենում, իսկ թագուհիներն իրենք են հրաշք ստեղծում:

3. Սպասուհիները թույլ են, բայց թվում են ուժեղ, արքայադուստրերն ուժեղ են, բայց թվում են թույլ, թագուհիներն ապրում են առանց դիմակների:

4. Սպասուհիները շուտ են գալիս, արքայադուստրերը՝ մի փոքր ուշացմամբ, իսկ թագուհիները՝ միշտ ճիշտ ժամանակին:

5. Սպասուհիներն ամեն ինչում իրենց են մեղադրում, արքայադուստրերը՝ ուրիշներին, իսկ թագուհիները հետևություններ են անում:

6. Սպասուհիները չեն կարողանում հաղթել, արքայադուստրերը չեն կարողանում պարտվել, իսկ թագուհիները չեն մրցում:

7. Անգամ գեղեցիկ սպասուհիներն իրենց համարում են տգեղ, անգամ շատ տգեղ արքայադուստրերն իրենց համարում են աննման գեղեցիկ, իսկ թագուհիներն այդպես էլ չունեցան հայելու մեջ նայելու ժամանակ:

8. Սպասուհուն կարելի է չնկատել, արքայադստերը չի կարելի չնկատել, իսկ թագուհուն չի կարելի չնկատել, երբ նա այդպես է ուզում:

9. Սպասուհիները ցանկանում են ստանալ գովեստի խոսքեր, արքայադուստրերը՝ ուշադրություն, թագուհիները՝ փորձ:

10. Սպասուհիները հանդուրժում են վիրավորանքը, արքայադուստրերը՝ վրեժ են լուծում, իսկ թագուհուն վիրավորել հնարավոր չէ:

11. Սպասուհիներն ամեն բան հասկանում են և դիմանում, արքայադուստրերը հասկանում են այն, ինչ ուզում են, իսկ թագուհիները հասկանում են ամեն ինչ և հեռանում:

12. Սպասուհիները չեն կարողանում պահանջել, արքայադուստրերը չեն կարողանում սպասել, թագուհիները գիտեն, որ ամեն բան իր ժամանակն ունի:

13. Սպասուհիներն ուզում են մեծանալ, արքայադուստրերը չեն ուզում ծերանալ, իսկ թագուհիները գիտեն, որ ամեն բան իր ժամանակն ունի:

14. Սպասուհիները տեսնում են աշխարհը սև գույնով, արքայադուստրերը՝ վարդագույն, իսկ թագուհիները՝ սևով, վարդագույնով և մնացած բոլոր գույներով:

15. Սպասուհիների հետ հեշտ է, արքայադուստրերի հետ՝ դժվար, իսկ թագուհիների հետ ծայրահեղ դեպքում՝ հետաքրքիր:

16. Սպասուհի լինելը դժվար է, արքայադուստր լինելը՝ հեշտ, իսկ թագուհի լինելը մի բան արժե:

17. Սպասուհին երազում է լքել աշխատանքը և հանդիպել երազանքների ասպետին, արքայադուստրը՝ գեղեցիկ ուղեկցի և շրջապատումից խուսափելու մասին, իսկ թագուհին երազում է երիտասարդության մասին, և, որ իրեն հանգիստ թողնեն:

Սիրարփի Աղաբաբյան