Լավանդայի լիմոնադ՝ հոգնածության և գլխացավերի դեմ
Վաղուց ապացուցված է, որ լավանդան հզոր հակադեպրեսանտ է և արդյունավետ կերպով պայքարում է գլխացավի և հոգնածության դեմ:
Գոյություն ունեն բազմաթիվ միջոցներ, թե ինչպես պետք է ճիշտ օգտագործել լավանդան: Հավանաբար գիտեք լավանդայի յուղի օգտակար հատկանիշների մասին, քանի որ հանգստացնող միջոցներից գրեթե յուրաքանչյուրի բաղադրության մեջ լավանդա է մտնում:
Takprosto կայքը ներկայացնում է լավանդայի լիմոնադ, որը ոչ միայն չափազանց համեղ է, այլև՝ հանգստացնում է գլխացավերն ու հոգնածությունը:
Բաղադրություն
- 5լ ջուր
- 100մլ մեղր
- 5 կիտրոն
- 1 կաթիլ լավանդայի եթերային յուղ կամ 3ճ/գ լավանդայի չորացրած տերևներ
- Լավանդայի ճյուղեր՝ զարդարելու համար
Պատրաստման եղանակը
Եթե լավանդայի յուղ եք օգտագործում, ապա ձեզ միայն անհրաժեշտ է այն խառնել մյուս բոլոր բաղադրիչների հետ: Սակայն, ի սկզբանե, չմոռանաք քամել կիտրոնի հյութը: Ստացված հյութը պետք է դնել սառնարանում և թողնել մի քանի ժամ: Կարող եք խմելիս մեղր ավելացնել՝ համն ավելի հարստացնելու համար:
Իսկ եթե օգտագործում եք լավանդայի չորացրած տերևներ, ապա սկզբում պետք է այն եռացնել ցածր կրակի վրա: Եռալուց հետո կրակն իջեցրեք և եփեք ևս մի քանի րոպե: Կրակից հանելով՝ ըմպելիքը ծածկեք կափարիչով և թողեք մնա մեկ ժամ: Թուրմը քամեք, որպեսզի լավանդայի հատիկները չմնան: Կիտրոնի հյութը քամեք, ավելացրեք թուրմին, կարող եք նաև մեղր ավելացնել:
Հյութը պետք է խմել սառը վճակում, կարող եք նույնիսկ սառույցի կտորներ ավելացնել:
Որոշ ժամանակ անց կնկատեք, որ գլխացավերն ու հոգնածությունն անցնում են: Եթե լարվածությունը չանցնի, ապա հյութի հետ մեկտեղ՝ լավանդայի լոգանք ընդունեք:
Կարող եք նույնիսկ լավանդայի յուղով մերսել մարմինը:
Նյութը հրապարակման պատրաստեց Լիլիթ Հարությունյանը
