Վրաստանի նախագահի հրամանով կառավարության հին կազմի անդամները նշանակվել են պաշտոնակատարներ
Վրաստանի նախագահ Գեորգի Մարգվելաշվիլին հրամանագիր է ստորագրել, որով նախարարներին տրվել են պաշտոնակատարների կարգավիճակ, մինչև կհաստատվի կառավարության նոր կազմը, հայտնում է «Գրուզիա օնլայնը»:
«Համաձայն Վրաստանի Սահմանադրության 73 հոդվածի առաջին և 80 հոդվածի առաջին կետերի՝ պարտականությունների կատարումը հանձնարարել Վրաստանի կառավարության նույն կազմին՝ մինչև նոր կառավարության ձևավորումը»,- ասված է հրամանագրում:
Հիշեցնենք, որ երեկ Վրաստանի վարչապետ Իրակլի Ղարիբաշվիլին հրաժարական է ներկայացրել:
Ղարիբաշվիլին շնորհակալություն է հայտնել կոալիցիայի իր համախոհներին, կառավարության անդամներին ու իր ընտանիքին: «Ես այսօր լքում եմ այդ պաշտոնը, սակայն մնում եմ մեր երկրի հավատարիմ զինվորը»,- ասել է Ղարիբաշվիլին:
