Հայտնի է, թե որ դեպքում չեղյալ կհայտարարվի Վրաստանի հետ վիզային ռեժիմը
Ռուսաստանի ու Վրաստանի միջև վիզային ռեժիմը կարող է չեղյալ հայտարարվել այն դեպքում, եթե վրացական իշխանությունները վարեն հավասարակշռված արտաքին քաղաքականություն, հայտարարել է ՌԴ Պետդումայի միջազգային հարցերով կոմիտեի ղեկավար Ալեքսեյ Պուշկովը: Այդ մասին հայտնում է RIA Novosti-ն:
«Ես կարող եմ եզրակացնել, որ վիզային ռեժիմը կարող է ընդհանրապես չեղյալ հայտարարվել այն դեպքում, եթե Վրաստանը վարի ադեկվատ արտաքին քաղաքականություն ու հավասարակշռի իր հարաբերությունները ԱՄՆ-ի, Եվրամիության ու Ռուսաստանի հետ, այլ թե բոլորի հետ ամեն ինչում համաձայնի հակառուսական միտումներում»,- ասել է նա:
Պուշկովը նշել է, որ չնայած Վրաստանի կողմից հարաբերությունների նորմալացմանը, այնտեղ դեռ կարելի է նկատել հակառուսական քաղաքականության տարրեր հատկապես հրապարակային ելույթներում:
