Ադրբեջանը, Իրանն ու Վրաստանը ստորագրել են երկաթուղային ոլորտում համագործակցության վերաբերյալ արձանագրություն
Իրանի Թավրիզ քաղաքում կայացել է եռակողմ հանդիպում «Ադրբեջանի երկաթուղային ճանապարհներ» ընկերության նախագահ Ջավիդ Գուրբանովի, «Իրանի երկաթուղային ճանապարհների» գլխավոր տնօրեն Մոհսեն Պուրսեիդ Աղայի ու «Վրաստանի երկաթուղային ճանապարհներ» ընկերության գլխավոր տնօրեն Մամուկա Բախտաձեի մասնակցությամբ, հայտնում է ադրբեջանական APA գործակալությունը:
Հանդիպման ընթացքում քննարկվել են երեք երկրների տրանզիտային պոտենցյալի մեծացման հեռանկարները՝ Վրաստանով, Ադրբեջանով դեպի Պարսից ծոց տրանզիտային բեռներափոխադրումների մեծացման նպատակով՝ Վրաստանի ծովային նավահանգիստների օգնությամբ:
Հանդիպման հիմնական թեմաները եղել են Իրանի ապրանքաշրջանառության աճն ու վերոնշյալ տրանսպորտային միջանցքի արդյունավետությունը:
Հանդիպման ավարտին կողմերը ստորագրել են արձանագրություն, որը հաստատում է եռակողմ համագործակցությունը:
