Սաուդցի գրողն ազատազրկվել է երկրում բարեփոխումների կոչ անելու համար
Սաուդցի գրող Զուհայիր Ալ-Կուտբին, ով կոչ էր արել երկրում բարեփոխումներ անցկացնել, դատապարտվել է 4-ամյա ազատազրկման:
62-ամյա գրողի որդին ու նրա փաստաբանը հայտնել են, որ գրողի պատժաժամկետի կեսը սահմանվել է պայմանական եղանակով, սակայն, դրա հետ միասին, նրան արգելվել է զբաղվել գրողական գործունեությամբ 15 տարվա ընթացքում ու մոտակա 5 տարում հեռանալ երկրից:
Ալ-Կուտբին տուգանվել է նաև 26600 դոլարին համարժեք տուգանքով:
Միաժամանակ, դեռ պարզ չէ, թե ինչ մեղադրանքներ են ներկայացվել գրողին: Նա կալանավորվել էր դեռ հուլիսին, այն բանից հետո, երբ հեռուստատեսային ելույթում հայտարարել էր, թե Սաուդյան Արաբիան պետք է դառնա սահմանադրական միապետություն:
