Էրդողան-Պուտին հեռակա հակամարտությունը շարունակվում է
Թուրքիայի նախագահ Ռեջեփ Թայիփ Էրդողանը պնդում է, որ անձամբ է Ռուսաստանի նախագահ Վլադիմիր Պուտինին պատմել թուրքմենների մասին, որոնք բնակվում են Սիրայի հյուսիսում: Այս մասին հայտնում է թուրքական NTV հեռուստաալիքը՝ հղում կատարելով Բուրսայի Առևտրա-արդյունաբերական պալատում Էրդողանի ելույթին:
«Ես անձամբ եմ ասել Պուտինին, որ Բայըրբուջակում չկա ԴԱԻՇ, այնտեղ բնակվում են միայն սիրիացի թուրքմենները: Ներկայում այնտեղ կան սպանված թուրքմեններ»,- հայտարարել է Էրդողանը:
Իր ելույթում Էրդողանը նշել է, որ «նրանք (ՌԴ) խոսում են, որ նրանց ոչինչ չեն ասել թուրքմենների մասին»:
Ավելի վաղ ՌԴ նախագահ Վլադիմիր Պուտինն իր մեծ մամլո ասուլիսի ժամանակ հայտարարել է, որ «ոչինչ չի լսել» Սիրիայի թուրքմենների մասին:
