Ֆրանսիան ու Ռուսաստանն ուժեղացնում են ԴԱԻՇ-ի մասին հետախուզական տեղեկությունների փոխանակությունը
Փարիզն ու Մոսկվան ակտիվացնում են հետախուզական տվյալների փոխանակությունը, որոնք վերաբերում են ԴԱԻՇ-ի դիրքերին հարվածներ հասցնելուն:
Այս մասին Ֆրանսիայի պաշտպանության նախարար Ժան-Իվ Լե Դրիանը հայտարարել է երեկ Մոսկվայում իր ռուս գործընկերոջ՝ Սերգեյ Շոյգուի բանակցությունների արդյունքում:
Նրա խոսքով՝ ձեռք է բերվել պայմանավորվածություն փոխանակել ռազմական տեղեկություններ, որոնք վերաբերում են Սիրիայում ահաբեկչական խմբավորումների շարքերին ու նրանց զբաղեցրած դիրքերին հարվածներ հասցնելուն, հայտնում է AFP-ն:
Միաժամանակ, Լե Դրիանն ընդգծել է, որ հետախուզական տվյալների փոխանակումը կատարվում է միայն Մոսկվայի ու Փարիզի մակարդակով:
ՌԴ ՊՆ մամլո ծառայության վարչությունից հայտնել են, որ շփումները շարունակվելու են «Ռուսաստանի ու Ֆրանսիայի Զինված ուժերի գլխավոր շտաբերի մակարդակով»:
