«Հաջորդ ամիս կխոսենք Մխիթարյանի պայմանագրի երկարաձգման մասին». Ռայոլա
Դորտմունդի «Բորուսիայի» և Հայաստանի հավաքականի կիսապաշտպան Հենրիխ Մխիթարյանի գործակալ Մինո Ռայոլան հայտնել է, որ հաջորդ ամիս կսկսվեն բանակցություններ վարվել Հենրիխ Մխիթարյանի պայմանագրի երկարաձգման շուրջ:
«Մխիթարյանը ֆանտաստիկ մրցաշրջան է անցկացնում։ «Բորուսիայի» ներկայացուցիչների հետ կքննարկենք և կտեսնենք, թե ինչ կլինի։ Հաջորդ ամիս կխոսենք Մխիթարյանի պայմանագրի երկարաձգման մասին: Նա այն խաղացողներից չէ, ով ակումբ է փնտրում երկրի կամ գումարի համար, այլ որոշում է կայացնում՝ միայն ելնելով այն հանգամանքից, թե որտեղ կարող է զարգացնել իր տաղանդը»,- նշել է Ռայոլան «Bild»-ի հետ զրույցում:
«Բորուսիայի» և Մխիթարյանի պայմանագիրն ավարտվում է 2017 թվականի ամռանը։
Սիրարփի Աղաբաբյան
