«Ինչու ես, այլ ոչ թե՝ Մեսսի՞ն: Նրանք փնտրում էին աշխարհի լավագույն ֆուտբոլիստին». Ռոնալդու
«Ռեալ Մադրիդի» և Պորտուգալիայի ազգային հավաքականի հարձակվող Կրիշտիանու Ռոնալդուն պատասխանել է այն հարցին, թե ինչու է «Universal» կինոստուդիան ֆիլմ նկարել իր, այլ ոչ թե՝ «Բարսելոնայի» առաջատար Լիոնել Մեսսիի մասին:
«Ինչու ես, այլ ոչ թե՝ Մեսսի՞ն: Ես շատ լավ հասկանում եմ նրանց. նրանք փնտրում էին աշխարհի լավագույն ֆուտբոլիստին»,- նշել է Ռոնալդուն:
Ֆիլմի պրեմիերան արդեն իսկ կայացել է: Նոյեմբերի 7-ին Լոնդոնում ֆիլմի ցուցադրությանը ներկա են եղել Ռոնալդուի մտերիմները և նախկին մարզիչները:
Սիրարփի Աղաբաբյան
