Նավասը կարող է բաց թողնել Էլ Կլասիկոն
Մադրիդի «Ռեալի» դարպասապահ Կեյլոր Նավասը կարող է բաց թողնել նոյեմբերի 21-ին կայանալիք Էլ Կլասիկոն:
Ըստ Sport պարբերականի՝ դարպասապահը ցավեր ունի աճուկային հատվածում և նախատեսում է ընդհանուր թիմի մարզումներին միանալ միայն նոյեմբերի 19-ից:
Մադրիդցիների մարզչական շտաբը մտադիր չէ ռիսկի ենթարկել դարպասապահի առողջությունը: Նավասը «Բարսելոնայի» հետ խաղում խաղադաշտ դուրս կգա միայն այն դեպքում, եթե ոչ մի ցավ չզգա:
Հիշեցնենք, որ վնասվածքի պատճառով Նավասը Լա լիգայում բաց է թողել «Ռեալ Մադրիդի» մասնակցությամբ վերջին երկու հանդիպումները:
Սիրարփի Աղաբաբյան
