«Գվարդիոլայի ապագան կորոշվի առաջին շրջանից հետո». Կարլ-Հայնց Ռումենիգե
Մյունհենյան «Բավարիայի» կառավարման ղեկավար Կարլ-Հայնց Ռումենիգեն նշել է, որ հիմա պետք է կենտրոնանալ մրցաշրջանի առաջին մասի հաջող ավարտի վրա: Այդ մասին մյունհենյան ակումբի ղեկավարը հաղորդել է Բունդեսլիգայի «Շտուտգարտի» դեմ տնային խաղից հետո (4:0):
«Ես հանգիստ եմ, մարզիչը նույնպես: Առաջին շրջանի ավարտից հետո մենք բանակցություններ կանցկացնենք և անկախ արդյունքներից կհայտարարենք նորությունների մասին»,- ասել է Ռումենիգեն:
Հիշեցնենք, որ Գվարդիոլայի գործող պայմանագրի ժամկետը մյունհենցիների հետ լրանում է ընթացիկ մրցաշրջանի ավարտին: Այս կապակցությամբ մամուլում հաճախ են լուրեր շրջանառվում՝ նրա այս կամ այն թոփ ակումբ տեղափոխվելու վերաբերյալ: Մասնավորապես՝ իսպանացի մասնագետին հավակնում են «Մանչեսթեր Սիթին» և լոնդոնյան «Չելսին»:
Պատրաստեց Անի Գաբուզյանը
