«Հարկային արտոնությունների պատճառով չի հավաքագրվի 381 մլրդ դրամ»
2016թ. հարկային արտոնությունների պատճառով չի հավաքագրվի 381 մլրդ դրամ, որը նախորդ տարվանից ավելի է 41 մլրդ դրամով: Այս մասին այսօր ԱԺ մշտական հանձնաժողովների համատեղ նիստում հայտարարեց ՀՀ ֆինանսների փոխնախարար Պավել Սաֆարյանը:
«Այսինքն, եթե այդքան արտոնություն չունենայինք՝ կունենայինք ևս 381 մլրդ դրամ: Սա գնահատական է, գնահատվում է ըստ առանձին հարկատեսակների: Եվ հաջորդ տարվա ՀՆԱ մեջ 7% է կազմում՝ այնքան, ինչքան նախորդ տարի»,- ասաց Պ.Սաֆարյանը:
Ըստ նրա՝ կան արտոնություններ, որոնք անհրաժեշտ են և պետք է մնան, բայց պետք է քննարկել դրանց առաջնահերթությունը:
