Վթար Երևանյան փողոցի սկզբնամասում
Նոյեմբերի 2-ին, ժամը 17.56-ին տեղեկատվություն է ստացվել, որ Երևանյան փողոցի սկզբնամասում տեղի է ունեցել ՃՏՊ. կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Դեռևս չբացահայտված հանգամանքներում բախվել են «BMW» մակնիշի 9861LL պետհամարանիշի (վարորոդ՝ Ա. Թ., ծնվ. 1967թ.) և «AUDI» մակնիշի 89 TT 889 պետհամարանիշի (վարորդ՝ Ա. Խ., ծնվ.1995 թ.) ավտոմեքենաները:
Մինչ հրշեջ-փրկարարների դեպքի վայր հասնելը վարորդները հոսպիտալացվել են Տաշիրի բժշկական կենտրոն, որտեղ բժիշկները տուժածների առողջական վիճակը գնահատել են միջին ծանրության:
Հրշեջ-փրկարարները հոսանքազրկել են ավտոմեքենաները, փակել գազի բալոնների փականները, իրականացրել ճանապարահատվածի լվացման աշխատանքներ:
