Եթե «Բարսելոնան» չմնա Պրիմերայում, դա օգուտ չի բերի ո՛չ ակումբին, ո՛չ էլ լիգային. Գվարդիոլա
«Բավարիայի» գլխավոր մարզիչ Պեպ Գվարդիոլան կիսվել է կարծիքով այն մասին, որ Կատալոնիայում խորհրդարանական ընտրությունների ժամանակ հաղթել են Իսպանիայից առանձնանալու կողմնակիցները:
«Կատալոնիան արտահայտվեց: Քվեարկել են գրեթե 80 տոկոսը, և խորհրդարանական մեծամասնությունը հանդես է գալիս անկախության օգտին:
Կարևոր է, մարդիկ գնացել և քվեարկել են՝ առանց որևէ պրոբլեմի: Դա անվիճելի է: Հիմա պետք է խոսեն քաղաքական գործիչները:
Անհրաժեշտ է որոշել՝ կմնա՞ արդյոք «Բարսելոնան» Պրիմերայում: Եթե՝ ոչ, ապա դա օգուտ չի բերի ո՛չ ակումբին, ո՛չ Լիգային»,- ասել է Գվարդիոլան:
Պատրաստեց Անի Գաբուզյանը
