Պատմաբանը ահազանգում է. «Բա չկա՞ մեկը՝ որ պալատը որպես հարդանոց օգտագործողին ասի՝ էդ ինչ ե՞ս անում»
Տիգրանակերտի արշավախմբի ղեկավար Համլետ Պետրոսյանը ֆեյսբուքյան իր էջում ահազանգում է, որ Վայոց ձորում գտնվող Չեսար իշխանի պալատը, որը եզակի կառույց է, որպես հարդանոց է օգտագործվում:
«Սա Հայաստանի եզակի հուշարձաններից մեկն է. Չեսար իշխանի պալատը, նրա՝ ով կառուցել է նաև Սելիմի քարավանատունը: Նման երկրորդ հուշարձան ուղղակի չկա:
Իհարկե՝ ընդգրկված է պետական նշանակության հուշարձանների ցանկում, իհարկե պահպանվում է պետության կողմից: Եթե Վայոց Ձորում փորձեք մի որևէ հուշարձանի լայնությունը չափել՝ միանգամից կհայտնվեն մի քանի հսկողներ, շտապ կզանգեն Երևանից՝ էդ ինչ ե՞ք անում:
Բա չկա՞ մեկը՝ որ պալատը որպես հարդանոց օգտագործողին ասի՝ էդ ինչ ե՞ս անում»,- ահազանգում է պատմաբանը:
