«Շնորհակալություն Քրիստինե Պեպելյանին». Բաղանիս համայնքի ղեկավար
Սահմանամերձ Բաղանիս համայնքի ղեկավար Նարեկ Սահակյանը շնորհակալություն է հայտնում երգչուհի Քրիստինե Պեպելյանին: «Այսօր առավոտյան համացանցից տեղեկացա ու հաճելիորեն զարմացա, որ մեր էստրադային երգչուհի Քրիստինե Պեպելյանը Էրեբունի-Երևան տոնակատարության իր հասանելիք հոնարարը կկրկնապատկի սեփական միջոցներից և կնվիրի սահմանամերձ Բաղանիսին:
Հարգելի Քրիստինե՛ իմ, ավագանու և ողջ համայնքի բնակիչների անունից հայտնում ենք մեր խորին շնորհակալությունը նման գեղեցիկ ու հաճելի վերաբերմունքի համար և սիրով Ձեզ սպասում ենք մեր համայնքում: Թող Ձեր այս քայլը օրինակ ծառայի մյուսներին…… Սահմանը ամուր է, եթե թիկուքը գործում է»:
Հիշեցնենք, որ Ք. Պեպելյանը հայտարարել էր, որ պատրաստվում է Էրեբունի-Երևան տոնակատարության իր հասանելիք հոնարարը կկրկնապատկել սեփական միջոցներից և կնվիրել սահմանամերձ Բաղանիսին:
