«Ցավ եմ ապրում այժմյան «Յուվենթուսին» նայելով». Տևես

«Յուվենթուսի» նախկին հարձակվող Կարլոս Տևեսը խոստվանել է, որ Թուրինում թողել է իր սրտի մի մասը: «Ինձ համար դժվար է տեսնել, թե ինչպես է պարտվում «Յուվենթուսը»: Ես Թուրինում եմ թողել իմ սրտի մի մասը: Բայց դա նորմալ է: Ֆուտբոլիստները պետք է հավատան իրենց ուժերին և սկսեն հաղթել: Ես տվել եմ «Յուվենթուսին» այն, ինչ կարողացել եմ: Իմ պարտքն է վերադառնալ Արգենտինա: Ամեն օր ես երազում էի այստեղ խաղալու մասին:

Չինացիներն ինձ առաջարկում էին 20 մլն տարեկան, որպեսզի խաղամ իրենց թիմերից մեկում: Բայց փողն ինձ համար կարևոր դեր չի խաղում:

10 տրաի անց ես պարտավոր եմ վերադառնալ Արգենտինա և օգնել հարազատ ակումբից»,- ըստ La Gazzetta dello Sport-ի՝ ասել է Կարլոս Տևեսը:

Պատրաստեց Անի Գաբուզյանը