ԵԱՀԿ ՄԽ համանախագահները Լավրովի հետ քննարկել են Լեռնային Ղարաբաղի հակամարտության հարցում միջնորդության հաջորդ քայլերը

Instagram սոցցանցի իր էջում ԵԱՀԿ Մինսկի խմբի ամերիկացի համանախագահ Ջեյմս Ուորլիքը գրել է, որ Լեռնային Ղարաբաղի հակամարտության կարգավորման հարցում միջնորդության հաջորդ քայլերը համակարգելու համար համանախագահները հանդիպել են Ռուսաստանի արտգործնախարար Սերգեյ Լավրովի հետ:

«Հանդիպել եմ Ռուսաստանի արտգործնախարար Լավրովի հետ՝ Լեռնային Ղարաբաղի հակամարտության հարցում միջնորդության հաջորդ քայլերը համակարգելու համար: Բոլոր համանախագահ երկրները հավատարիմ են Լեռնային Ղարաբաղի խաղաղ և բանակցությունների միջոցով կարգավորմանը»,- գրել է նա։