Սուպերմոդել Ժիզել Բունդխենը գիրք է թողարկել իր էրոտիկ նկարներով
Բրազիլացի սուպերմոդել Ժիզել Բունդխենն իր բաց ֆոտոսեսիաներով գիրք է թողարկել: Այն նվիրված է մոդելի կարիերայի 20-ամյակին, հայտնում է Vogue-ը:
Լուսանկարչական գրքում զետեղված են աստղի մի քանի հարյուր լուսանկարներ նորաձևության ցուցադրություններից, ֆոտոսեսիաներից ու տնային արխիվից:
Գրքի համար շապիկ է ընտրվել լուսանկարիչ Իրվին Փենի՝ մերկ Բունդխենի լուսանկարը:
Գիրքն արժե 700 դոլար, այն թողարկվել է ընդամենը 1000 օրինակով, որոնցից յուրաքանչյուրը համարակալված է ու ստորագրված մոդելի կողմից:
Բունդխենը բոլոր ժամանակների ամենահաջողակ մանեքեններից է համարվում:
Վերջերս նա գլխավորեց աշխարհում ամենաբարձր վարձատրվող մոդելների վարկանշային աղյուսակը՝ ըստ Forbes ամսագրի վարկածի:
Ըստ պարբերականի՝ 2014թ. հունիսից 2015թ. հունիսը մոդելը վաստակել է մոտ 44 մլն դոլար: Մեկ տարի առաջ նրա վաստակը Forbes-ը գնահատել է 47 մլն դոլար:
Չնայած պոդիումից հեռանալու մասին լուրերին՝ 35-ամյա Բունդխենը շարունակել է գումար վաստակել՝ շնորհիվ այնպիսի բրենդների հետ պայմանագրերի, ինչպիսիք են Carolina Herrera-ն, Emilio Pucci-ն ու Balenciaga-ն: Բացի այդ՝ նա գումար է վաստակում նաև կոշիկի ու ներքնազգեստի սեփական հավաքածուների շնորհիվ:
