Ռուսական ռազմական ինքնաթիռները թռիչքներ են իրականացնում Սիրիայի տարածքում
ԱՄՆ-ը գրանցել է Սիրիայի երկնքում ռուսական ռազմական ինքնաթիռների ու անօդաչու թռչող սարքերի թռիչքների սկիզբը, որոնք տեղակայված են Լաթաքիայի ավիաբազայում, հայտնել է ամերիկյան The Daily Beast-ը՝ հղում կատարելով Պենտագոնի անանուն ներկայացուցիչներին:
Նրանց տվյալով՝ ռուսական ինքնաթիռները դեռ չեն մասնակցում ռազմական գործողությունների, թռիչքներն իրականացվում են տեղանքի հետ ծանոթանալու նպատակով:
Դրա հետ միասին, ամերիկացի զինվորականները չեն բացառում, որ դատելով թռիչքների շրջանից (Սիրիայի Իդլիբ ու Լաթաքիա նահանգների արևմտյան հատվածներ), նախապես ռազմական գործողությունները կարող են իրականացվել ոչ թե ԴԱԻՇ-ի դեմ, որը հիմնականում գործողություններ է կատարում երկրի արևելքում, այլ սիրիական ընդդիմության:
«Մենք մինչ օրս չգիտենք ռուսների մտադրությունը»,- ասել է գերատեսչության ներկայացուցիչներից մեկը պարբերականին:
