Հանրաքվեն կեղծողները կլինեն «ոչ»-ի ճամբարից». Արծվիկ Մինասյան
«Մենք ասել ենք ու ասում ենք, որ ամեն ինչ պետք է անենք, որ հանրաքվեի ժամանակ կեղծիքներ թույլ չտանք»,-այսօր Ազգային ժողովի ճեպազրույցներում հայտարարել է ԱԺ «Դաշնակցություն» խմբակցության քարտուղար Աղվան Վարդանյանը:
Նա նաև նշել է, որ հանրաքվեի քարոզարշավի ժամանակ իրենք ունեն հանրությանը մատուցվելիք քարոզչանյութը.
«Մենք համոզված ենք, որ մեր արգումենտներն այնքան լուրջ են, որ կեղծիքի գնալու կարիք չկա: Այս Սահմանադրությունը հնարավոր է անցկացնել առանց խախտումների, սա պետք է դառնա իսկապես ժողովրդի կողմից ընդունված Սահմանադրություն»:
ԱԺ ՀՅԴ խմբակցության մյուս պատգամավոր Արծվիկ Մինասյանն իր հերթին, անդրադառնալով հանրաքվեին, ասել է. «Նրանք, ովքեր կգնան կեղծիքի՝ համարեք «ոչ»-ի ճամբարից»: Ըստ Մինասյանի՝ Սահմանադրության նախագծին դեմ են հիմնականում արտահայտվում նրանք, ովքեր «վախենում են դավաճանի, հաճախորդի պիտակավորում ստանալ»:
