Ֆրանսուհին կալանավորվել է 1 գիշերվա ընթացքում 600 անգամ փրկարար ծառայություն զանգահարելու համար
Իրավապահները Ֆրանսիայի Թուլուզ քաղաքում կալանավորել են 1 գիշերվա ընթացքում 626 անգամ արտակարգ իրավիճակների ծառայություն զանգահարած մի ֆրանսուհու, հայտնում է lifenews.ru-ն:
Նախնական տեղեկություններով՝ 54-ամյա կինը տառապում է հոգեկան խանգարմամբ:
Ավելի շատ «բաժին է հասել» տեղի փրկարար ծառայությանը, որը բառացիորեն գրոհի է ենթարկվել կնոջ կողմից, ով այդպես էլ չի կարողացել բացատրել օպերատորին, թե ինչ է իրեն անհանգստացնում:
Առավոտյան հեռախոսային խուլիգանին տեղափոխել են ոստիկանական բաժանմունք:
Ամենայն հավանականությամբ, ֆրանսուհուն բռնի կուղարկեն բուժման:
