Գերմանացի բժիշկները հաջողությամբ առանձնացրել են վրացի սիամական երկվորյակ քույրերին
Քյոլնի մանկական կլինիկայում գերմանացի վիրաբույժները հաջողությամբ վիրահատել են ու առանձնացրել Վրաստանից սիամական երկվորյակներին, հայտնում է Interfax-ը՝ հղում կատարելով վրացական ԶԼՄ-ներին:
Նրանց տեղեկությունների համաձայն՝ սեպտեմբերի սկզբին անցկացված վիրահատության ողջ գումարը՝ 81 հազար եվրո, հավաքվել էր նվիրատվությունների շնորհիվ:
Հաղորդվում է, որ ներկայում քույրեր Թամարի ու Թեբրոլի կյանքին վտանգ չի սպառնում, երեխաներն իրենց լավ են զգում:
ԶԼՄ-ները, հղում կատարելով գերմանացի բժիշկներին, նշում են, որ վիրահատությունը տևել է 5 ժամ: Հիվանդանոցի գլխավոր բժիշկը՝ Թոմաս Բեմերսը, հայտարարել է, որ աղջիկները բացարձակ առողջ կլինեն ու կկարողանան նորմալ կյանք վարել:
Ընդ որում՝ նա նաև ասել է, որ նպատակին հասնելը հեշտ խնդիր չի եղել, սիամական երկվորյակները ներարգանդային զարգացման շրջանում որովայնի ու կրծքի շրջանում իրար կպած են եղել, ունեցել են ընդհանուր լյարդ:
