Ամեն հինգերորդ սիրիացին հայտարարել է ԴԱԻՇ-ի օգուտի մասին. բրիտանական հարցում
Ամեն հինգերորդ սիրիացին բրիտանական ընկերության հարցման ժամանակ հայտարարել է, որ ահաբեկչական ԴԱԻՇ խմբավորումը դրականորեն է ազդում երկրի վրա, գրում է The Washington Times-ը:
Միևնույն ժամանակ, նրանց 82%-ը կարծում է, որ ԴԱԻՇ-ն առաջացել է շնորհիվ ԱՄՆ-ի նրա դաշնակիցների ջանքերի: Սիրիացիների մեծ մասը հայտարարել է, որ երկրում վիճակը վատանում է, նրանց 21%-ը կնախընտրեին մնալ Սիրիայում երկրի գործող նախագահ Բաշար Ասադի ղեկավարմամբ: Ամեն երկրորդ սիրիացին դեմ է արտահայտվել ԱՄՆ գլխավորած կոալիցիայի հասցեին:
Ընդհանուր առմամբ՝ սիրիացիներից շատերը լավատես են ապագայի նկատմամբ: Նրանց 64%-ը վստահ է, որ պատերազմը կվերջանա դիվանագիտական ջանքերի շնորհիվ:
Հարցումն անցկացրել է ORB International ընկերությունը, որի կենտրոնակայանը գտնվում է Մեծ Բրիտանիայում:
Հարցման է ենթարկվել 1365 սիրիացի երկրի բոլոր նահանգներից: Հարցումն անցկացվել է այս տարվա հունիսի 10-ից հուլիսի 2-ն ընկած ժամանակահատվածում:
