Siri-ն ընդհատել է Սպիտակ տանն Իրանի հարցով քննարկումը
Ձայնային Siri օգնականը կարճ ժամանակով ընդհատել է Իրանի նկատմամբ ԱՄՆ քաղաքականության մասին մամլո ասուլիսը, հայտնում է The Next Web-ը:
Լրագրողներից մեկը հարց է տվել ԱՄՆ-ի ու Իրանի փոխհարաբերությունների մոդելի հնարավոր փոփոխության մասին, սակայն նրան պատահաբար ընդհատել է Siri-ն, որը, ամենայն հավանականությամբ, պատահաբար միացվել էր ԶԼՄ-ների ներկայացուցիչներից մեկի կողմից:
Ձայնային օգնականն ասել էր. «Կներեք, ես այդքան էլ չեմ հասկանում, թե կոնկրետ ինչ եք դուք ուզում փոխել իմ օգնությամբ», կարծես թե պատասխանելով լրագրողին, ինչով և դահլիճում ծիծաղ էր առաջացրել:
