7 անսովոր միջոց՝ մայոնեզն օգտագործելու համար

Takprosot.cc կայքը ներկայացրել է մայոնեզի օգտագործման 7 անսովոր միջոց:

1. Մաքրում ենք հետքերը: Նավթից, այլ նյութերից ձեռքերին առաջացած հետքերը կարելի է մաքրել մայոնեզի օգնությամբ: Այն քսեք մատներին, մի փոքր տրորեք, թողեք մի քանի րոպե, ապա լվացեք տաք ջրով:

2. Մաքրում ենք սպիտակ հետքերը: Եթե ցանկանում եք մաքրել թաց ամաններից առաջացած հետքերը փայտե սեղանից, կեղտոտ մասին մայոնեզ քսեք, ապա մաքրեք անձեռոցիկով:

3. Մազերը խնամելու միջոց: Եթե ցանկանում եք գեղեցիկ մազեր ունենալ, օգտագործեք տան պայմաններում պատրաստված մայոնեզ: 1 ճաշի գդալ մայոնեզը քսեք մազերին, թողեք մի քանի րոպե, ապա լավ լվացեք շամպունով:

4. Փրկում է ոջիլներից: Եթե ձեր երեխան ոջիլով է վարակվել, նրա մազերին տնային պայմաններում պատրաստված մայոնեզ քսեք: Մի քանի ժամ անց նրանք կանհետանան:

5. Մաքրում ենք նկարները: Եթե երեխաները նկարել են պատերին, մի փոքր մայոնեզ քսեք անձեռոցիկին և մաքրեք այդ հատվածը:

6. Ամրացնում ենք եղունգները: Որպեսզի եղունգները չշերտավորվեն և ամուր լինեն, պարբերաբար եղունգների համար մայոնեզից պատրաստված դիմակներ օգտագործեք:

7. Մաքրում ենք պիտակների հետքերը: Պիտակների հետևանքով առաջացող հետքերից ազատվելու համար ևս կարող եք մայոնեզ օգտագործել:

Պատրաստեց 168.am-ը