Տղամարդը կնոջը ծեծել է ամուսնական մատանին ետ չտալու պատճառով
36-ամյա տղամարդու վերաբերյալ քրեական գործն արդեն դատարանում է: Նրան մեղադրանք է առաջադրվել այն բանի համար, որ նա կնոջը տված ամուսնական մատանին պահանջելու և վերջինի կողմից մերժում ստանալու պատճառով իրենց տանը վիճաբանության մեջ է մտել վերջինի հետ, որի ընթացքում ձեռքերով ու ոտքերով հարվածել է կնոջը՝ հարականջային շրջանի աջ և ձախ ուսահոդերի, աջ և ձախ բազուկների, զույգ ազդրերի և զույգ սրունքների շրջանում դիտավորությամբ պատճառելով առողջության թեթև վնաս:
Նրա նկատմամբ որպես խափանման միջոց է ընտրվել ստորագրություն չհեռանալու մասին:
