Էռնեկյանը արտաքին գործերի և էներգետիկայի նախարարությունների շենքերը հյուրանոց է դարձնելու. «Հրապարակ»
«Հրապարակ» թերթը գրում է. «Արգենտինահայ գործարար Էդուարդո Էռնեկյանը մտադիր է արտաքին գործերի եւ էներգետիկայի նախարարությունների շենքերը դարձնել հյուրանոց: Նման մտադրություն մասին ավելի վաղ եւս տեղեկություններ էին շրջանառվել, սակայն ինչ-ինչ պատճառներով գործընթացը սառեցվել էր: Ավելի ճիշտ՝ այն ժամանակ մամուլում գրվեց, որ շենքերն ամբողջությամբ չեն հանձնվել Էռնեկյանին. ԱԳՆ-ի առաջին հարկում գտնվող «Նոյան տապան» գրախանութը հետն է հանձնվել, իսկ գրախանութի տնօրինությունը մեծ պահանջներ է ներկայացրել Էռնեկյանի առաջ, ինչից էլ սփյուռքահայ գործարարը նեղվել է եւ գործընթացը կանգնեցրել:
Այժմ նորից իշխանական կուլիսներում լուրեր են պտտվում, թե Էռնեկյանը խաղաղվել է եւ մտադիր է, այնուամենայնիվ, հյուրանոցը կառուցել: Ավելին, ասում են, թե արգենտինահայ գործարարը մտադիր է նաեւ մինչեւ «Զվարթնոց» օդանավակայան մետրո կառուցել»:
Ամբողջությամբ կարող եք կարդալ «Հրապարակ» թերթի այսօրվա համարում:
