Նադեժդա Սարգսյան. «Կոտայքի մարզպետը մեկ ժամ չանցած արձագանքել է». Aravot.am
Երգչուհի Էմմին ֆեյսբուքյան իր էջում բաց նամակ էր հղել ՀՀ Կոտայքի մարզպետ Կարապետ Գուլոյանին, որտեղ անհանգստություն էր հայտնել հոր՝ Դավիթ Բեջանյանի «Անվերջության ժապավեն» քանդակի վերաբերյալ:
Նա մարզպետի ուշադրությունն էր հրավիրել Սեւան-Երեւան մայրուղում գտնվող՝ իր ձեւակերպմամբ, տարիներ շարունակ բոլորի աչքի առաջ ոչնչացող աշխատանքին եւ խնդրել հնարավորության դեպքում վերականգնել այն:
Aravot.am-ի հետ զրույցում Դավիթ Բեջանյանի կինը՝ երգչուհի Նադեժդա Սարգսյանը հայտնել է, որ Էմմիի բաց նամակից մեկ ժամ անց մարզպետն արձագանքել է, եւ այժմ պատրաստվում են հանդիպման ընթացքում քննարկել խնդիրը ու լուծում գտնել:
